Футбол бойынша Испания Ла Лигасының 3-турында «Барселона» 27-август, шийшемби күни «Райо вальекано»ға қарсы ойнады.
Ушырасыўдың 9-минутында Мадрид клубы футболшысы Лопес есапты ашты. Биринши бөлим «Райо»ның үстинлиги менен жуўмақланды.
Екинши бөлимде католониялылар өзине келип алды ҳәм күшли ҳүжимге өтти. 60-минутқа келип, Педри есапты теңлестирди. 82-минутта болса Барселонада дебют ойынын өткерген Дани Олмо командасын есапта алдыға алып шықты.
Қалған минутларда дәрўазаларға гол урылмады ҳәм «Барселона» 2:1 есабында жеңисти рәсмийлестирди.
Қарақалпақстан хабар агентлиги