Өзбекстан Песпубликасы Президентиниӊ Пәрманы
Ўатанымыз ғәрезсизлигин беккемлеў, Жаӊа Өзбекстанды қурыў жолында кеӊ көлемли реформаларды әмелге асырыў, өзиниӊ жарқын қәбилети, көп тәреплемели дөретиўшилик, илимий-әмелий жумысы менен халқымыздың руўхый дүньясын арттырыў, мәмлекетимизде илим, билимлендириў, әдебият, мәденият ҳәм көркем өнер тараўларын раўажландырыў, жасларымызды ана ўатанға муҳаббат ҳәм садықлық, улыўма инсаныйлық қәдириятларға ҳүрмет руўхында тәрбиялаў бағдарындағы үлкен хызметлери ҳәм жәмийетлик турмысқа белсене қатнасқаны ушын төмендегилерге ҳүрметли атақлар берилсин:
Қарақалпақстан Республикасы бойынша:
«Өзбекстан Республикасы халық артисти» ҳүрметли атағы менен:
Надирова Айгул Базарбаевна – Нөкис мәмлекетлик педагогикалық институты музыкалық тәлим кафедрасы доценти, қосықшы;
«Өзбекстан Республикасына хызмет көрсеткен жаслар устазы» ҳүрметли атағы менен:
Султанов Бегдулла Жумашевич – ветеран педагог;
Халқымыздыӊ интеллектуаллық ҳәм руўхый потенциалын арттырыў, билимлендириў, денсаўлықты сақлаў, әдебият, мәденият ҳәм көркем өнер тараўлары ҳәм ғалаба хабар қуралларын раўажландырыў бағдарында ерисип атырған жоқары нәтийжелери, елимиздиӊ раўажланыўын тәмийинлеў, жәмийетте тынышлық ҳәм татыўлық, социаллық турақлылықты беккемлеў, жас әўладты ийгиликли идеялар руўхында саламат ҳәм бәркамал етип тәрбиялаўға қосқан үлкен үлеси, сондай-ақ, жәмийетлик жумыслардағы белсендилиги ушын төмендегилер сыйлықлансын:
«Меҳнат шуҳрати» ордени менен:
Сапарова Раихан Халмуратовна – Қарақалпақ мәмлекетлик жас тамашагөйлер театры ветеран артисти;
«Дўстлик» ордени менен:
Сатбаев Оразбай Жумабаевич – Өзбекстан Жазыўшылар аўқамы ағзасы, шайыр;
II даражали «Соғлом авлод учун» ордени менен:
Турдибаева Раънохон Азимжановна – Мойнақ районлық медицина бирлеспеси баслығының аналық ҳәм балалықты қорғаў бойынша орынбасары;
Өзбекстан Республикасы
Президенти Ш. МИРЗИЁЕВ
Ташкент қаласы,
2024-жыл 23-август