2024-2025-оқыў жылы ушын өткерилген имтихан нәтийжелери бойынша Билим ҳәм маманлықларды баҳалаў агентлиги мағлыўмат берди.
Оған бола, 186 871 абитуринет бакалавриат билимлендириў бағдарларына студетликке усыныс етилген. Олардың 41 153 и мәмлекетлик грант, 145 718 и болса төлемли-контракт тийкарында оқыўға қабыл етилген. Студентликке усыныс етилгенлердиң 120 845 мыңын болса усы жылғы питкериўшилер қураған.
Күндизги билимлендириў түри ушын мәмлекетлик грантқа 39 903, төлемли-контрактке 84 132 абитуриент қабыл етилген. Сыртқы билимленедириў түрине грант (жеңилликли) қа 1 046, төлемли-контарктке 48 555 абитуриент усыныс етилген. Кешки билимлендириў түрине – мәмлекетлик грант тийкарында (жеңилликли) 153, төлемли-контракт тийкарында 8 455, аралық билимлендириў түрине – мәмлекетлик грант тийкарында (жеңилликли) 51, төлемли-контракт тийкарында 4 576 абитуриент студентликке усыныс етилген.
Сондай-ақ, студентликке усыныс етилгенлердиң 14 230 ы жеңилликли қабыллаў параметрлери шеңберинде қабыл етилген. Соннан мәмлекетлик грант 10 494, төлемли-контракт 3 736 абитуриентке берилетуғын болған.
Быйылғы имтиханларда мәмлекетлик грант тийкарында орташа өтиў баллы- 121,7, төлемли-контракт тийкарында орташа өтиў баллы- 94,7 ни қураған.
Буннан тысқары, жоқары билимлендириў ҳәм профессионал билимлендириў мәкемелерине кириў тест сынақлары бир ўақыттың ишинде өткерилген. Жаңа тәртипке бола, профессионал билимлендириў мәкемелерине таңлаў ЖБОлардың таңлаў нәтийжелери жәрияланғаннан соң өткериледи. Оған бола, тестте қатнасқан абитуриентлер 18-27-август аралығында my.uzbmb.uz сайтында профессионал билимлендириў мәкемелери (колледж яки техникум), кәсип, қәнигелик ҳәм билимлендириў түрин танлаўы керек,-деп жазады xs.uz сайтында.
Қарақалпақстан хабар агентлиги