Ѳзбекстан Саўда-санаат палатасы Қарақалпақстан Республикасы басқармасының «Жойбарлар офислери менен ислесиў бѳлими» тәрепинен ѳнерментшилик пенен шуғылланыў арқалы ѳзиниӊ бизнесин раўажландырып атырған бир қатар исбилерменлер менен орынларда ушырасыўлар ѳткерилди.
Ушырасыўларда Қарақалпақстан Республикасы Министрлер Кеӊеси жанында шѳлкемлестирилген Республикалық ШТАБ исбилерменлердиӊ мүрәжатлерин ҳәм усынысларын қабыллаў бойынша ѳз жумысын қызғын даўам еттирип атырғанлығы айрықша атап ѳтилди.
Сәўбетлесиў даўамында исбилермен Г.Заримова Нѳкис қаласында туризм объекти дәрежесиндеги «Ѳнерментлер орайы»н шѳлкемлестириў ҳәм бул жерде турақлы түрде қарақалпақ миллий ѳнерментшилигин елимиз жасларына үйретиў бойынша ѳз усынысларын билдирип ѳтти.
Республикалық ШТАБ тәрепинен орынларда исбилерменлердиң пикир-усынысларын үйрениў бойынша жумыслар даўам етпекте.
Қарақалпақстан хабар агентлиги