Өзбекстанда 2024-жыл 1-июль жағдайына 1 квадрат километрге орташа 82,7 адам туўра келген. Бул болса өткен жылдың сәйкес дәўирине салыстырылғанда 1,7 адамға артқан (2023-жыл 1-июль жағдайына 1 квадрат километрге 81 адам).

Статистика агентлигиниң мағлыўматына бола, аймақлар бойынша халық тығызлығының ең жоқары көрсеткиши Ташкент қаласында 6 864,4 адам, Әндижан ўәлаятында 796,4 адам, Ферғана ўәлаятында 606,3 адамды қураған болса, ең төмен көрсеткишлер Наўайы ўәлаяты 9,8 адам, Қарақалпақстан Республикасында 12,1 адамды қураған.

Мағлыўмат ушын, 2024-жыл 1-июль жағдайына турақлы халық саны 37 134,2 мың адамды қурамақта. Соннан ер адамлар саны 18 696,7 мың адамды, ҳаял-қызлар саны 18 437,5 мың адамды, қала халқының саны 18 940,4 мың адамды, аўыл халқының саны 18 193,8 мың адамды қурайды.

Қарақалпақстан хабар агентлиги