Хош хабар

«Арал жигитлери» ойын ансамбли Қырғызстанда өткерилген «Ойын өнери -2024» фестивалында  Гран-приди  қолға киргизди.

Усы жылдың 7-12-июль күнлери Қырғызстанның Ош қаласында «Ойын өнери -2024» II Халықаралық дослық фестивалы өткерилди. Онда Өзбекстан, Түркия, Қазақстан ҳәм Қырғызстан аяқ ойын жәмәәтлери  қатнасты.

Таңлаў нәтийжелерине бола, Өзбекстан мәмлекетлик филармониясы Қарақалпақстан Республикасы бөлиминиң «Арал жигитлери» ойын ансамбли таңлаўдың толық жеңимпазы болды ҳәм Гран-приди қолға киргизди. Жеңимпаз командаға Кипрге саяхат жолламасы берилди.

Қарақалпақстан хабар агентлиги.