«Ал-Насср» ҳәм Португалия сайланды командасының ҳүжимшиси Криштиану Роналду франциялы қәбилетли футболшы Килиан Мбаппениң «Реал Мадрид»ке өтиўи ҳаққында өз пикирлерин билдирип өтти.
«Тамаша етиў енди мениң гезегим! «Бернабеу»ди қалай жарытыўыңды көриўди сабырсызлық пенен күтип атырман. Ҳала Мадрид!», деген «Реал» әпсанасы Роналду.
Криштиану «қаймақ реңлилер» қурамында 450 ушырасыў өткерип, 451 гол урған ҳәм ҳәр түрли турнирлерде жеңип шыққан клуб әпсаналарынан бири есапланады. Сондай-ақ, португал командасы тарийхындағы ең жақсы топ тебери болып турыпты.
Қарақалпақстан хабар агентлиги