Грецияның Афина қаласында футбол бойынша Конференциялар лигасының финал ойыны болып өтти.
Онда жергиликли «Олимпиакос» командасы Италияның «Фиорентина» клубы менен ушырасты.
Қызықлы өткен ойынның тийкарғы ўақтында есап ашылмады.
Буннан соң төреши тәрепинен қосымша еки тайм қосып берилип, онда «Олимпиакос» клубы ҳүжимшиси Аюб Эль‑Кааби ушырасыўдағы жеңис голын урыўға миясар болды.
Солай етип, «Олимпиакос» Греция клублары арасында биринши мәрте Еврокубоклардың бирин қолға киргизген дәслепки клубқа айланды.
Адилбай Оразов,
Қарақалпақстан хабар агентлиги шолыўшысы