Қәнигелестирилген билимлендириў мәкемелери агентлиги системасындағы Президент ҳәм Дөретиўшилик мектеплерине 2024-2025-оқыў жылы ушын ҳүжжетлерди қабыллаў 1-июньнан 20-июньға шекем онлайн тәризде ariza.piima.uz сайты арқалы әмелге асырылады.
Президент мектеплерине 4-классты тамамлаған оқыўшылар 5-классқа, дөретиўшилик мектеплерине болса 6-классты тамамлаған оқыўшылар 7-классқа қабыл етиледи.
Талабанлардан туўылғанлығы ҳаққындағы гүўалығы, фотосүўрети (ақырғы 2 айда алынған), ата-анасы ямаса оның орнын басатуғын шахстың паспорт мағлыўматлары ҳәм телефон номерлери (турақлы ислеп турған телефон номерлери) анық ҳәм қәтесиз киргизилиўи ҳәм баҳалар табели нусқасы (директор тәрепинен тастыйықланған) талап етиледи.
Талабанның баҳалар табелиндеги математика ҳәм тәбиятаныў пәнлеринен 4-класстағы жыллық баҳалары «5» баҳа (жоқары) болыўы керек.
Президент мектеплери ҳәм Дөретиўшилик мектеплериниң дизими Агентлик каналында жәрияланған.
Қарақалпақстан хабар агентлиги