Өзбекстан Республикасы Президентиниң пәрманы менен тастыйықланған 2022-2026-жылларға мөлшерленген Жаңа Өзбекстанның раўажланыў стратегиясында белгиленген ўазыйпаларды әмелге асырыў бойынша районлар арасында «Бес баслама олимпиадасы» шеңбериндеги спорт илажлары даўам етпекте.
Мақсет – усы жарысларға жасларды кеңнен тартыў, жәмлеспеген ҳәм студент-жаслардың физикалық белсендилигин арттырыў, олардың бос ўақытларында спорт пенен шуғылланыўы ушын шараятлар жаратыў болып есапланады.
«Бес баслама олимпиадасы» шеңберинде «Мәмлекетлик қәўипсизлик хызмети кубоги» ушын өткерилген мәҳәллелердеги жәмлеспеген жаслар арасындағы футбол ойынларының Нөкис районлық басқышы болып өтти.
Онда Төктаў МПЖ командасы биринши, Тақыркөл АПЖ командасы екинши, Ақманғыт ППЖ командасы үшинши орынды ийеледи.
Жеңимпаз жасларға кейинги басқышларда әўмет тилеп қаламыз.
Рабийға Сәрсенбаева,
ҚМУ дың Қарақалпақ филологиясы ҳәм журналистика факультети, мәлимлеме хызмети бағдары 4-курс студенти.
Қарақалпақстан хабар агентлиги