Словенияның Мурска-Собота қаласында теннис бойынша W50 категориясына кириўши турнир болып өтти.
Улыўма сыйлық қоры 50 000 АҚШ долларын қураўшы жарыста мәмлекетимиздиң биринши ракеткасы Нигина Абдураимова табыслы қатнасты.
Атап айтқанда, ол жеккелик беллесиўлерде ярым финалға шекем жетип келген болса, жуплықта чехиялы Жессика Малечкова менен биргеликте финалға шекем жетип келди ҳәм турнирдиң вице-чемпионына айланды.
Олар финал беллесиўинде америкалы Анна Рожерс ҳәм португалиялы Франсиска Хорхе тандемине 4/6, 7/5, тай-бректе 8/10 есабында жеңилип қалды.
Адилбай Оразов,
Қарақалпақстан хабар агентлиги