Әжинияз атындағы Нөкис мәмлекетлик педагогикалық институтында 8-март – халықаралық ҳаял-қызлар күни байрамы мүнәсибети менен ҳаял-қызлар арасында спорт ҳәм саламатлық илажларын үгит-нәсиятлаў, олардың бос ўақытларын мазмунлы өткериў мақсетинде, профессор-оқытыўшылар ҳәм аймақтағы ҳаял-қызлар арасында волейбол бойынша институт бириншилиги болып өтти.
Жарысқа институттың барлық факультетлери, сыртқы билимлендириў бөлими профессор-оқытыўшылары ҳәм пайтахтымыздағы «Көк өзек» мәкан пуқаралар жыйыны турғынларынан дүзилген командалар қатнасты.
Қызықлы өткен жарыс жуўмағында, биринши орынды Сыртқы билимлендириў бөлими, екинши орынды шет тиллери факультети, үшинши орынды мектепке шекемги билимлендириў факультети командасы ийелеп, жеңимпаз команда ағзалары институт кәсиплик аўқамы комитети тәрепинен таярланған байрам саўғалары менен сыйлықланды.
Адилбай Оразов,
Қарақалпақстан хабар агентлиги шолыўшысы