Көпшиликтиң хабары болғанындай усы күнлери Қатарда футбол бойынша Азия кубоги жарыслары болып өтпекте.
14-15-январь күнлери «С», «Д» ҳәм «Е» топарларында 1-тур ойынлары өткерилип, онда турнир фаворитлеринен есапланған Иран Палестинаны 4:1, Қубла Корея Бахрейнди 3:1, Япония Вьетнамды 4:2, Бирлескен Араб Әмирликлери Гонконгты 3:1 есабында жеңип шығыўға еристи.
Ал, «Д» топарында Японияның тийкарғы қарсыласы есапланған Ирак болса, кеше Индонезия менен өз-ара ойын өткерип, оларды 3:1 есабында жеңиўге миясар болды.
«Е» топарында өзиниң дәслепки ойынын өткерген Малайзия болса, Иордания менен ушырасып, өз қарсыласларына 0:4 есабында жеңилип қалды.
Ал, бүгин болса, топар басқышында 1-тур ойынлары жуўмақланады. Атап айтатуғын болсақ, Нөкис ўақты менен саат 19:30 Таиланд Қырғыз Республикасының сайланды командасы менен, Саудия Арабстаны футболшылары Оманға қарсы ойынға түседи.
Адилбай Оразов,
Қарақалпақстан хабар агентлиги шолыўшысы