Бүгин Қатар пайтахты Доха қаласында футбол бойынша Азия кубоги жарысына старт бериледи.

Азия футбол Конфедерациясының қурамындағы 24 мәмлекеттиң сайланды командалары қатнасатуғын бул чемпионат бүгин кешки саат 21:00 де Қатар ҳәм Ливан арасындағы ойын менен басланады. Чемпионатқа «Б» топарында қатнасып атырған Өзбекстан сайланды командасы болса, өзиниң дәслепки ойынын Сирия сайланды командасына қарсы ертең саат 22:30 да өткереди.

Бул чемпионатта сайланды командамыз сәрдары Элдар Шомурадов ҳәм Түркияның «Ризаспор» клубы футболшысы Ҳусниддин Алиқулов жарақаты себепли, жарысқа қатнаса алмайтуғынлығы мәлим етилди.

Солай етип, Өзбекстан миллий сайланды командасы  Азия кубогине қатнасыўшы команданың жуўмақлаўшы дизимин жәриялады. Олар төмендегише:

Дәрўазаманлар: Ботирали Эргашев (“ОКМК”), Ўткир Юсупов (“Навбаҳор”), Абдувоҳид Неъматов (“Насаф”);

Қорғаўшылар: Рустам Ашурматов (“Рубин”), Умарбек Эшмуродов (“Насаф”), Муҳаммадқодир Ҳамралиев (“Пахтакор”), Абдулла Абдуллаев (“Ҳорфаккан”), Абдуқодир Ҳусанов (“Ланс”), Шерзод Насруллаев (“Насаф”), Фаррух Сайфиев (“Пахтакор”), Ҳожиакбар Алижонов (“Пахтакор”), Зафармурод Абдираҳматов (“Насаф”);

Ярым қорғаўшылар: Жалолиддин Машарипов (“Пансеррайкос”), Остон Ўрунов (“Навбаҳор”), Азиз Турғунбоев (“Пахтакор”), Одилжон Ҳамробеков (“Пахтакор”), Диёр Холматов (“Пахтакор”), Жамшид Болтабоев (“Навбаҳор”), Жамшид Искандеров (“Навбаҳор”), Ҳожимат Эркинов (“Пахтакор”), Отабек Шукуров (“Фотиҳ Карагюмрюк”), Шаҳбоз Умаров (“Ордабасы”), Аббосбек Файзуллаев (“ЦСКА”);

Ҳүжимшилер: Игор Сергеев (“Патам Юнайтед”), Бобур Абдухолиқов (“Ордабасы”), Азизбек Амонов (“Ҳорфаккан”).

Адилбай Оразов,

Қарақалпақстан хабар агентлиги шолыўшысы