Arqa-batıs áskeriy okruginde áskeriy xızmetkerlerdiń intellektuallıq potencialın arttırıw, ullı babalarımızdıń biybaha ruwxıy miyrasın tereń úyreniw hám jas áwlad qálbinde Watanǵa sadıqlıq, milliy maqtanısh hám watansúyiwshilik sezimlerin bekkemlew maqsetinde “Zahriddin Muhammed Babur izinen” tańlawınıń okruglik basqıshı ótkerildi.
Tańlaw úsh shárt tiykarında Baburdıń ómiri hám dóretiwshiligi, onıń “Baburnama” shıǵarmasındaǵı tariyxıy, ruwxıy hám áskeriy-strategiyalıq kózqarasları, sonday-aq, ullı babamızdıń dúnya civilizaciyasına qosqan úlken úlesi boyınsha bilim hám potencialın kórsetti. Jarıslar dawamında áskeriy xızmetkerlerdiń tek teoriyalıq bilimleri emes, al logikalıq pikirlewi, sóylew mádeniyatı, dóretiwshilik qatnası hám jámáát penen islesiw kónlikpeleri de sınaqtan ótkerildi.
Tańlaw juwmaǵında bilimge bolǵan umtılısı hám ruwxıy jetikligi joqarı bahalanıp, belsene qatnasqan jámáát hám áskeriy xızmetkerler ministrlik basqıshında qatnasıw jollaması hám diplomlar menen sıylıqlandı.

Qaraqalpaqstan xabar agentligi