Адлия вазирлиги томонидан “Нотариуслар томонидан никоҳ шартномаларини тасдиқлаш тартиби тўғрисида”ги низом давлат рўйхатидан ўтказилди.

Янги тартибга кўра:

Расмийлаштириш шакллари: Никоҳ шартномаси нотариал идора биносида, видеоконференцалоқа орқали ёки мурожаат қилувчиларнинг хоҳишига кўра сайёр тартибда расмийлаштирилиши мумкин.

Мурожаат қилиш: Фуқаролар нотариал идорага шахсан келиб ёки масофавий тарзда My.gov.uz портали ҳамда E-notarius.uz ахборот тизими орқали ариза беришлари мумкин.

Нотариус мажбуриятлари: Шартномани тасдиқлаш жараёнида тарафларнинг никоҳ ёшига етганлиги, никоҳда бор ёки йўқлиги ва илгари бундай шартнома тузилмагани қатъий текширилади.

Имзолаш тартиби: Тўловлар амалга оширилиб, лойиҳа тайёрлангач, тарафлар нотариус ҳузурида шахсан иштирок этиб, ҳужжатни имзолайдилар.

Ушбу янгилик соҳада рақамлаштириш кўламини кенгайтириш ва фуқароларга қулайлик яратишга хизмат қилади, дейилади хабарда.