Beruniy rayonında jasawshı puqara S.K. quyash panellerin ornatıw boyınsha “T.N.” juwapkershiligi sheklengen jámiyeti menen 160 million sumlıq shártnama dúzgen.

Shártnamaǵa tiykar, quyash panelleri ornatıp ketilgen. Biraq aradan kóp ótpey quyash panelindegi nasazlıq sebepli órt kelip shıqqan. Puqara “T.N.” juwapkershiligi sheklengen jámiyetine qayta-qayta múrájat etken, biraq mashqala sheshilmegen.
Nátiyjede bul jaǵday boyınsha ámeliy járdem sorap, Qaraqalpaqstan Respublikası Tutınıwshılar huqıqların qorǵaw jámiyetleri federaciyasına múrájat etiwge májbúr bolǵan. Beruniy rayonı Tutınıwshılar huqıqların qorǵaw jámiyetiniń qánigeleri tárepinen múrájat belgilengen tártipte úyrenildi. Ótkerilgen is-háreketler nátiyjesinde tutınıwshınıń talabı esapqa alınıp, “T.N.” juwapkershiligi sheklengen jámiyeti tárepinen paneller ońlap berildi.

Qaraqalpaqstan xabar agentligi