Prezident Shavkat Mirziyoevtiń qatnasıwında Xalıq deputatları Jizzaq wálayatı Keńesiniń gezeksiz sessiyası baslandı.
– Biz aldımızǵa joqarı sheklerdi qoyıp, Jańa Ózbekstandı qurıw jolında shın kewilden miynet etip atırmız, jańalıqlar jaratıp atırmız hám nátiyjelerge erispektemiz.

Wálayattı qanday awır sharayatlardan alıp shıqqanımızdı, Jizzaqtıń hár bir rayonında bolıp atırǵan úlken ózgerislerdi, adamlardıń quwanıshın kórip, oǵada quwanıshlıman hám maqtanaman, – dedi mámleketimiz basshısı sóziniń aldında.
Ótken dáwirde Jizzaq wálayatı respublikadaǵı sanaatı eń tez ósip atırǵan aymaqqa aylandı. Segiz jılda 6,5 milliard dollarlıq investiciyalıq joybarlar iske qosılǵan bolsa, sonıń 45 procenti sanaat úlesine tuwra keledi.
Máselen, Sharaf Rashidov, Ǵállearal, Forish, Zomin rayonları hám Jizzaq qalasında 2,3 milliard dollarlıq 560 joybar iske qosıldı. Búgingi kúnde bul rayonlar wálayat sanaatınıń 70 procentin támiyinlemekte.

ÓzA