Qazaqstannıń Aqtaw qalasında qazaq boks mektebiniń tiykarın salıwshılardıń biri Shoqır Bóltek ulınıń esteligine baǵıshlanǵan boks boyınsha eresekler arasında xalıqaralıq turnir bolıp ótti.

Jarısqa Qazaqstan, Qıtay, Ázerbayjan, Túrkmenstan mámleketleri birge Ózbekstan Respublikasınan da kúshli boksshiler qatnastı.
Qızıqlı ótken bellesiwler sońında, Ózbekstan saylandı komandası quramında 70 kg salmaqta qatnasqan qaraqalpaqstanlı Suxrab Aminov, 80 kgda Sárdar Shamuratovlar turnirdiń qola medalın jeńip alıwǵa miyasar boldı.
Boksshilerimizdi jarısqa Rashid Seytov hám Jasur Nurumbetovlar tayarladı.

Adilbay Orazov,
Qaraqalpaqstan xabar agentligi sholıwshısı.