Миллий статистика комитети тәрепинен Өзбекстандағы орташа айлық номинал есапланған мийнет ҳақы бойынша мағлыўмат жәрияланды.

Атап өтилиўинше, 2025-жылдың январь-июнь айларында орташа айлық мийнет ҳақы 5 982,3 мың сумды қурап, өткен жылдың усы дәўирине салыстырғанда 17,2 процентке өскен.

Орташа номинал мийнет ҳақы Қарақалпақстан Республикасында 4 757,2 мың сум, Әндижан ўәлаятында 4 935,3 мың сум, Бухара ўәлаятында 4 787,3 мың сум, Жиззақ ўәлаятында 4 476,8 мың сум, Қашқадәрья ўәлаятында 4 148,3 мың сум, Наўайы ўәлаятында 7 486,4 мың сум, Наманган ўәлаятында 4 350, мың сум, Самарқанд ўәлаятында 4 435,4 мың сум, Сурхандәрья ўәлаятында 4 256,5 мың сум, Сырдәрья ўәлаятында 4 789,8 мың сум, Ташкент ўәлаятында 5 674,4 мың сум, Ферғана ўәлаятында 4 443,8 мың сум, Хорезм ўәлаятында 4 720,1 мың сум, Ташкент қаласында 10 138,4 мың сумды қураған.

Аймақлар кесиминде орташа айлық номинал есапланған мийнет ҳақылары Ташкент қаласында 10 138,4 мың сумды қурап, өткен жылдың усы  дәўирине салыстырғанда 118,8 процентке өскенлиги бақланды.

Сондай-ақ, бул көрсеткиш Сырдәрья ўәлаятында 4 789,8 мың сумды (өсиў пәти өткен жылдың усы дәўирине салыстырғанда 118,0 процент), Жиззақ ўәлаятында 4 476,8 мың сумды (117,0 процент), Ферғана ўәлаятында 4 443,8 мың сумды (116,9 процент), Наманган ўәлаятында 4 350,1 мың сумды (116,6 процент) ҳәм Сурхандәрья ўәлаятында 4 256,5 мың сумды (116,1 процент) қураған.

Соның менен бирге, орташа айлық номинал есапланған мийнет ҳақы Әндижан ўәлаятында 4 935,3 мың сум (111,0 процент), Наўайы ўәлаятында 7 486,4 мың сум (113,4 процент), Қарақалпақстан Республикасында 4 757,2 мың сум (114,2 процент), Қашқадәрья ўәлаятында 4 148,3 мың сум (114,3 процент), Бухара ўәлаятында 4 787,3 мың сум (114,8 процент), Ташкент ўәлаятында 5 674,4 мың сум (115,3 процент), Хорезм ўәлаятында 4 720,1 мың сум (115,6 процент) ҳәм Самарқанд ўәлаятында 4 435,4 мың сум (115,8 процент) ды қурап, басқа аймақларға салыстырғанда өсиў пәти төмен екенлиги бақланды.

Ең жоқары мийнет ҳақы төлейтуғын тараўлар: мәлимлеме ҳәм байланыс – орташа 14 млн. 785,8 мың сумды, банк, қамсызландырыў, лизинг, кредит ҳәм дәлдалшылық жумысы – 16 млн. 252,9 мың сумды қурамақта.

Ш.Маматуропова, ӨзА