1-июньнан баслап қалалардағы автомобиль жолларында оңлаў ямаса жол сызықларын сызыў менен байланыслы жумысларды 07.00 ден 21.00 ге шекем әмелге асырыўға (дем алыс күнлери, сондай-ақ, кешиктирип болмайтуғын айрықша жағдайлар буған кирмейди) жол қойылмайды.

Оңлаў ҳәм жол сызықларын жаңалаў жумыслары енди күндизги емес, тек ғана түнде – жоллардағы ҳәрекет азайған ўақытта әмелге асырылады.

Бул өзгерис пуқаралардың күнделикли жумысқа барып-келиўи, перзентин мектепке алып барыў ямаса емлеўханаға жетип алыўын аңсатластырыў менен бир қатарда, тығылыслар пайда болыўының алдын алады.