«Puqaralar jıyını Baslıǵı saylawı haqqında»ǵı Ózbekstan Respublikası Nızamına muwapıq, usı jıl may ayında elimizdiń barlıq aymaqlarında puqaralar jıyınları baslıqların saylaw bolıp ótedi.

Usı múnásibet penen Bozataw rayonında saylawdı ótkeriwge kómeklesiwshi komissiya basshıları, aǵzaları hám jumısshı topar baslıqları ushın seminar bolıp ótti.
Ótkerilgen seminarda Ózbekstan máhálleleri associaciyasınıń juwapker xızmetkeri B.Kushvakov, Qaraqalpaqstan Respublikası basqarması baslıǵınıń orınbasarı A.Pirimbetov hám basqalar qatnasıwshılarǵa puqaralar jıyını baslıǵı saylawın ótkeriw tártibi hám nızamshılıǵı haqqında keń túrde túsinikler berdi.
-Bıyılǵı jıldan baslap puqaralar jıyınları baslıqları 5 jıl múddetke saylanatuǵın boldı,-deydi Bozataw posyolkası hám Qusxanataw awıl puqaralar jıyınlarında saylawdı ótkeriwge kómeklesiwshi jumısshı topar baslıǵı Najimatdin Jumaniyazov.-Bul álbette, puqaralardıń saylawǵa bolǵan qızıǵıwshılıǵın arttıradı dep oylaymız. Házirgi waqıtları toparımız aǵzaları tárepinen aymaqlarda saylawǵa tayarlıq jumısları qızǵın dawam etpekte.
Ilajda, qatnasıwshılardıń pikir-usınıslar tıńlanıp, olardıń qızıqtırǵan sorawlarına juwap berildi.

Adilbay Orazov,
Qaraqalpaqstan xabar agentligi sholıwshısı.