Ilimler akademiyası Tariyx institutında Qıtay Jámiyetlik ilimler akademiyasi Rossiya, Shıǵıs Evropa hám Oraylıq Aziya izertlewleri institutlarınıń wákilleri menen ushırasıw bolıp ótti.

Tariyx institutı direktorınıń ilimiy isler boyınsha orınbasarı Dilnoza Jamalova hám Oraylıq Aziya izertlewleri institutı direktorınıń orınbasarı Li CHjenli óz-ara birge islesiw boyınsha sóylesiwler alıp bardı.
Ushırasıwda óz-ara birge islesiwdi kúsheytiw, Qıtaydaǵı arxiv, muzey hám kitapxanalarda saqlanıp atırǵan, Ózbekstan tariyxına tiyisli maǵlıwmatlar menen birgelikte islesiw, áyyemgi qıtaysha tekstlerdi oqıy alatuǵın qánigeler tayarlaw, regionımızdıń tariyxı haqqında Qıtayda basıp shıǵarılǵan ilimiy ádebiyatlardı alıw sıyaqlı máseleler dodalandı.
Sonday-aq, túrkiy xalıqlar, Oraylıq Aziya xalıqları hám Ózbekstan-Qıtay qatnasıqları tariyxı boyınsha birgelikte izertlewler alıp barıwǵa da kelisip alındı.

N.Rahmonova, ÓzA