Ipoteka bank OTP Group tárepinen Respublikalıq tez medicinalıq járdem orayına 10 dana BYD Seagull markalı zamanagóy elektromobiller berildi.

Bul elektromobiller Respublikalıq tez medicinalıq járdem orayınıń 10 aymaqlıq filialları arasında bólistirilgen edi.
Qaraqalpaqstan Respublikasına jetip kelgen bir dana BYD Seagull markalı zamanagóy elektromobildi Qaraqalpaqstan Respublikası Densawlıqtı saqlaw ministri M.Qurbanov Respublikalıq tez medicinalıq járdem orayı Qaraqalpaqstan Respublikası filialı xızmetkerlerine tapsırdı.
– Bul berilip atırgan BYD elektromobil feldsherlerdin basqarıwına beriledi. Densawlıqtıń arnawlı tártibi tiykarında test rejiminde nosilka (zámbersiz) jeńil shaqırıwlarǵa barıw maqsetinde paydalanıladı. Bul elektromobil ekologiyalıq jaqtan da qolaylı bolıp, hawanıń pataslanıwına zıyan jetkermeydi,-deydi Respublikalıq tez medicinalıq járdem orayı Qaraqalpaqstan Respublikası filialı direktorı I.Nurımbetov.

Qaraqalpaqstan xabar agentligi.