21-fevral-2-mart kúnleri aralıǵında Buxara wálayatında sporttıń shaxmat túrinen Ózbekstan chempionatı bolıp ótti.
Chempionatqa respublikamızdıń barlıq aymaqlarınan shaxmatshılar qatnasıp, jarıs jeńimpazlıǵı ushın keskin oyınlar ótkerdi.

Atap aytqanda, respublikamız sportshılarınan Taqıyatas rayonı sport mektebi tárbiyalanıwshısı Gúlnaz Uzaqbaeva shaxmattıń standart túri boyınsha 3-orındı iyelewge miyasar boldı hám AQShta bolıp ótetuǵın jáhán chempionatı hám Tailand mámleketinde bolıp ótetuǵın Aziya chempionatına jollamanı qolǵa kirgiziwge miyasar boldı.
Sonday-aq, bul jarısqa qatnasqan jáne bir sportshımız ámiwdáryalı Rayhona Shamurodova da shaxmattıń blic túri boyınsha qatnasıp, chempionattıń qola medalın qolǵa kirgiziwge eristi.

Qaraqalpaqstan xabar agentligi