2024-jıldıń 17-noyabr kúni Respublikalıq Ruwxıylıq hám aǵartıwshılıq orayı Qaraqalpaqstan bólimi hám Qaraqalpaqstan Respublikası Málimleme kitapxana orayı menen birgelikte «Kitaplar áleminde 80 kún» marafonına start berilip, usı jıldıń 18-fevral kúni juwmaǵına jetken edi.

Qaraqalpaqstan Respublikası Málimleme kitapxana orayında tańlawda jeńimpazların sıylıqlaw máresimi ótkerildi.
Onda Respublikalıq Ruwxıylıq hám aǵartıwshılıq orayı Qaraqalpaqstan bóliminiń baslıǵı T.Atamuratov hám Qaraqalpaqstan Respublikası Málimleme kitapxana orayı direktorı I.Sharapovalar jeńimpaz jaslardı qızǵın qutlıqlap, sońǵı jılları elimizde Prezidentimiz basshılıǵında jaslar arasında kitapqumarlıqtı keń en jaydırıw boyınsha alıp barılıp atırǵan mámleketlik siyasattı joqarı bahalap, olardıń unamlı nátiyjeleri haqqında keń túrde aytıp berdi.
Qızıqlı ótken tańlaw juwmaǵında, kegeylishi Shaxzada Nurımbetova birinshi orındı iyelewge eristi.
Ekinshi hám úshinshi orınlardı Sárbinaz Tóreniyazova hám Ikram Ótebaevlar iyelewge miyasar boldı.
Tańlaw sońında jeńimpazlar hám oǵan belsene qatnasqanlar shólkemlestiriwshiler tárepinen arnawlı diplom hám estelik sawǵalar menen sıylıqlandı.
Jibek Tleubaeva,
Qaraqalpaqstan Respublikası Málimleme kitapxana orayınıń bólim meńgeriwshisi.

Qaraqalpaqstan xabar agentligi.