«Uzbekistan Airports» kompaniyası Respublika AIJSqa qarsı gúresiw orayınıń baslamasın qollap-quwatladı hám Ózbekstannıń barlıq aeroportlarında «Salamat turmıs tárizi ushın» akciyasın ótkerdi.
Akciya sheńberinde sırt elden kelgen jolawshılarǵa test-qayısları quralında AIV infekciyasına biypul ekspress-test tekseriwinen ótiw usınıs etildi.
Akciyadan gózlengen maqset – adamlardıń kópshilik bólegin test tekseriwlerine qamtıp alıw, xalıqtı bul kesellik, onı anıqlaw, emlew hám qorǵanıw usılları haqqında xabardarlıq dárejesin arttırıwdan ibarat.
«Uzbekistan Airports» kompaniyasınıń maǵlıwmatlarına bola, ulıwma 12 kún ishinde respublika aeroportlarında 1080 adam ekspress-test tekseriwinen ótken. Sonıń menen birge, «Uzbekistan Airports» kompaniyası hám onıń quramına kiretuǵın kárxanalar Respublikalıq qan quyıw orayı menen birgelikte turaqlı túrde donorlar kúnin ótkeredi. Sol kúni kompaniya xızmetkerleri donorlardıń qanına mútáj nawqaslardı qollap-quwatlaw ushın qan tapsıradı.

Roman BONDARChUK tayarladı, ÓzA