Бўзатов тумани Ёшлар маркази биносида Ўзбекистон Республикаси Олий Мажлиси Қонунчилик палатаси депутати Сайёра Имамова ҳудуд аҳолиси билан учрашди.

Унда депутат С.Имомова мамлакатимизда амалга оширилаётган кенг кўламли ислоҳотлар, янгиланишлар, аҳолининг ижтимоий-иқтисодий аҳволини яхшилаш борасида чиқарилаётган Президентимиз фармон ва қарорлари, қабул қилинаётган қонунлар ҳақида кенг тўхталиб ўтди.

Шундан сўнг учрашув иштирокчилари томонидан билдирилган фикр ва таклифлар тингланди.

Сўнгра у туман мактабгача ва мактаб таълими бўлимига қарашли 8-сонли мактабгача таълим ташкилотида бўлиб, бу ерда тарбияланувчилар учун яратилган имкониятлар билан танишди.

Шунингдек, хизмат сафари давомида депутат 2-сонли умумий ўрта таълим мактабида ўқувчилар учун яратилган қулайликларни кўздан кечирди ва ҳар бир ижтимоий объектда куз-қиш мавсумига тайёргарлик ишлари сифати, иситиш ускуналарининг талаб даражасида эканлиги, хоналарнинг иссиқлик даражаси ўрганилди.

Шундан сўнг С.Имомова Бўзатов тумани ҳудудида яшовчи нуроний устоз Қ.Аллабоев ва М.Полвониёзовларнинг хонадонларидан хабар олиб, уларни 1 октябрь – «Ўқитувчи ва мураббийлар куни» байрами муносабати билан самимий табриклади ва байрам совғаларини топширди.

Адилбай Оразов,

Қорақалпоғистон ахборот агентлиги шарҳловчиси