Покистонда беш қаватли бино қулаши оқибатида камида беш одам ҳалок бўлди, олти киши яраланди.

Қутқарувчилар ва Карачи мегапорт шаҳри аҳолиси биргаликда эрталаб соат 10:10 да содир бўлган воқеадан сўнг жабрдийдаларни вайрона остидан кўтариб олган.

– Ҳозиргача беш инсоннинг жасадини, олти нафар ярадорни олиб чиқдик, – деди юқори мартабали маҳаллий полиция зобити Ориф Азиз. – Бинода 100 га яқин одам истиқомат қилади.

Қутқарув амалиётини бошқарадиган хайрия ташкилоти – «Edhi» жамғармаси вакили Саъд Идҳий «камида 8-10 киши ҳамон тузоқ остида экани эҳтимоли юқори» деди ва бинони «хароба» деб атади.

М.Пирматова, ЎзА