Хитойнинг “Sepoch” хусусий коинот компанияси мамлакатдаги биринчи кўп марта ишлатиладиган, зангламайдиган пўлатдан ясалган ракетани суюқ кислород ва метан ёнилғиси билан муваффақиятли синовдан ўтказди.

– Донгфанг космик портида ““Юаньсинжэ-1” номли кўргазмали ракета илк синов парвозини амалга оширди ва миссия муваффақиятли якунланди, – дейилган ижтимоий тармоқда эълон қилинган баёнотда. – Суюқ кислород ва метан ёнилғиси билан қопланган юпқа деворли зангламайдиган пўлатдан ясалган ракетанинг узунлиги 26,8 метр, айланаси 4,2 метр, учириш оғирлиги тахминан 57 тонна.

Парвози 125 сония давом этган ракета денгиз сатҳидан 2,5 километр кўтарилган ва сувга оҳиста қўнган.

Компания масъуллари қайд этишича, синов жорий йил режалаштирилган “Юаньсинже-1”ни тўлиқ ишга тушириш учун мустаҳкам замин яратди.

“Beijing Sepoch Technology” хусусий фазо компанияси Хитойда қайта фойдаланиладиган ўрта ва оғир юк ташиш қурилмалари ишлаб чиқараётган биринчи корхона ҳисобланади.