Иордания пойтахти Аммон шаҳрида бокс бўйича ўсмирлар ўртасида ўтказилган Осиё чемпионати ўз якунига етди.

Ушбу мусобақада Ўзбекистон терма жамоаси аъзолари 8 та олтин, 7 та кумуш ва 4 та бронза медалларини қўлга киритишга муваффақ бўлди.

Қувонарлиси шундаки, қорақалпоғистонлик ёш боксчилардан -70 кг вазнда Улбосин Жалғасбаева кумуш, +80 кг да Артур Кенесбаев бронза медалини қўлга киритишга муваффақ бўлди.

Истеъдодли боксчиларимизни мусобақага тажрибали мураббийлардан Асқар Жуманов ва Шароф Айтбоевлар тайёрлади.

Адилбай Оразов,

Қорақалпоғистон ахборот агентлиги шарҳловчиси