Иорданиянинг Амман шаҳрида бокс бўйича ўсмирлар ва кичик ўсмирлар ўртасидаги Осиё чемпионатида чорак финал баҳслари бошланди. Чорак финал босқичининг бугунги кичик ўсмирлар ўртасидаги беллашувларида Ўзбекистон терма жамоасининг 6 нафар чарм қўлқоп усталари рингга кўтарилади.

Унда вазни -35 кг. бўлган Сармат Шокаримов қозоғистонлик Даулет Тенелбайни синовдан ўтказса, -37 кг. вазндаги боксчимиз Муҳриддин Ҳамиджонов филиппинлик Ричард Пайлага қарши жанг қилади. Шунингдек, Камронбек Комилов (-40 кг.) – Атабек Ҳожиев (Туркманистон), Сабинахон Камилжонова (-37 кг.) – Пеи-Юн Чианг (Хитой Тайпейи), Ойбек Алимжонов (-46 кг.) – Султан Шаннақ (Иордания), Райҳона Алимханова (-43 кг.) – Хиао-Тинг Шао (Хитой Тайпейи) ўртасидаги беллашувларга гувоҳ бўламиз.

Эслатиб ўтамиз, кечаги жангларда -60 кг. вазнда Аброрбек Шарипов таиландлик Санти Каевбоонраунгни таслим этган бўлса, Суннатбек Илҳомов -66 кг. вазн тоифасида япониялик Кунимитсу Ҳонжога имкониятни бой бериб қўйди.

Жавоҳир Тошхўжаев, ЎзА