Қозоғистон Рақамли ривожланиш, инновациялар ва аэрокосмик саноат вазирлиги матбуот хизмати маълум қилишича, Хитой ушбу қардош давлатда одамсимон робот ишлаб чиқариш корхонаси ташкил этиш ниятини билдирган.

– Ҳамкорлик доирасида “AgiBot” компанияси робот ҳамда сунъий интеллект ечимларини ишлаб чиқариш ва жорий этиш бўйича қўшма корхона ташкил этишни режалаштирмоқда, – дейилган шу ҳақдаги баёнотда.

2023 йил февралда ташкил этилган, умумий мақсадли гуманоид роботлар яратиш ва ишлаб чиқаришга ихтисослашган мазкур ХХР бренди сунъий интеллект, робототехника технологияларини фаол ривожлантирмоқда, саноатдан уй-рўзғор ишларигача, кенг кўламли иловалар учун роботлар яратмоқда. 2024 йил декабрь ойида “AgiBot” Шанхайдаги заводидан 1000 донага яқин “темир-одам” чиқарган.