Ўзбекистон Республикаси Вазирлар Макамаси “Ўзбекистон Республикаси Давлат чегараси орқали жисмоний шахслар ҳаракатланиши ҳамда улар томонидан товар ва транспорт воситаларини олиб ўтиш жараёнларини янада соддалаштириш тўғрисида” қарор қабул қилди.

Унга мувофиқ:

“Электрон навбат” автоматлаштирилган ахборот тизимидан фойдаланган ҳолда, автотранспорт воситаларининг Давлат чегараси орқали ўтказиш пунктидан ҳаракатланиш тартиби тўғрисидаги низом;

Жисмоний шахсларнинг Давлат чегараси орқали ўтказиш пунктидан ҳаракатланишида “Fast-track” хизматидан фойдаланиш тартиби тўғрисидаги низом;

“Электрон навбат” автоматлаштирилган ахборот тизими биринчи навбатда жорий этиладиган Давлат чегараси орқали ўтказиш пунктлари рўйхати тасдиқланди.

2025 йил 1 майдан:

жисмоний шахслар учун “Fast-track” автоматлаштирилган ахборот тизими мазкур қарорда қайд этилган чегара ўтказиш пунктларида амалиётга жорий этилади;

автотранспорт воситалари учун “Электрон навбат” автоматлаштирилган ахборот тизими мазкур қарорда қайд этилган чегара ўтказиш пунктларида, республиканинг қолган чегара ўтказиш пунктларида эса автотранспорт воситаларининг ҳаракатланиш оқимидан келиб чиқиб, босқичма-босқич жорий этилади.

ЎзА