O‘zbekiston Respublikasi Vazirlar Makamasi “O‘zbekiston Respublikasi Davlat chegarasi orqali jismoniy shaxslar harakatlanishi hamda ular tomonidan tovar va transport vositalarini olib o‘tish jarayonlarini yanada soddalashtirish to‘g‘risida” qaror qabul qildi.

Unga muvofiq:

“Elektron navbat” avtomatlashtirilgan axborot tizimidan foydalangan holda, avtotransport vositalarining Davlat chegarasi orqali o‘tkazish punktidan harakatlanish tartibi to‘g‘risidagi nizom;

Jismoniy shaxslarning Davlat chegarasi orqali o‘tkazish punktidan harakatlanishida “Fast-track” xizmatidan foydalanish tartibi to‘g‘risidagi nizom;

“Elektron navbat” avtomatlashtirilgan axborot tizimi birinchi navbatda joriy etiladigan Davlat chegarasi orqali o‘tkazish punktlari ro‘yxati tasdiqlandi.

2025 yil 1 maydan:

jismoniy shaxslar uchun “Fast-track” avtomatlashtirilgan axborot tizimi mazkur qarorda qayd etilgan chegara o‘tkazish punktlarida amaliyotga joriy etiladi;

avtotransport vositalari uchun “Elektron navbat” avtomatlashtirilgan axborot tizimi mazkur qarorda qayd etilgan chegara o‘tkazish punktlarida, respublikaning qolgan chegara o‘tkazish punktlarida esa avtotransport vositalarining harakatlanish oqimidan kelib chiqib, bosqichma-bosqich joriy etiladi.

O‘zA