Республика олимпия ва паралимпия спорт турларига тайёрлаш марказида бокс бўйича катталар ўртасидаги Ўзбекистон чемпионати бошланди.

“Battles of the champions” номли ушбу мусобақада мамлакатимизнинг барча ҳудудларидан келган чарм қўлқоп усталари чемпионлик учун рингга кўтарилади.

Чемпионатда аёллар 48 кг, 50 кг, 52 кг, 54 кг, 57 кг, 60 кг, 63 кг, 66 кг, 70 кг, 75 кг, 81 кг ва +81 кг. вазн тоифасида баҳс олиб боради. Эркаклар эса 48 кг, 51 кг, 54 кг, 57 кг, 60 кг, 63,5 кг, 67 кг, 71 кг, 75 кг, 80 кг, 86 кг, 92 кг ҳамда +92 кг. вазнда беллашади.

Эслатиб ўтамиз, 21-26 январь куни Ўзбекистон чемпионати РОПСТТМда ташкил этилса, 27-28 январь санасидаги якуний жанглар “Renessans xoll” саройида давом эттирилади.

Жавоҳир Тошхўжаев,

ЎзА