Тухум 300 сўмдан 750 сўмгача, гўшт 26 минг сўмдан 44 минг сўмгача…
Ўзбекистон истеъмолчилар ҳуқуқларини ҳимоя қилиш жамиятлари федерацияси Қорақалпоғистон Республикаси, вилоятлар ҳамда Тошкент шаҳри марказий бозорларида сотилаётган (озиқ-овқат, ноозиқ овқат ва қишлоқ хўжалик) маҳсулотлар нархларини таҳлил қилишни давом этади.
![fb4391e0cdf0bd82ef4bc7b31fa505ee_720x480.jpg fb4391e0cdf0bd82ef4bc7b31fa505ee_720x480.jpg](http://uza.uz/upload/medialibrary/c47/fb4391e0cdf0bd82ef4bc7b31fa505ee_720x480.jpg)
Унга кўра, 2018 йил 5 август ҳолати бўйича мамлакатимиз бозорларида 1 кг. мол гўшти 26 минг сўмдан 42 минг сўмгача бўлган нархларда сотилмоқда. Энг арзон нархларни (26 минг сўм) Қорақалпоғистон Республикаси бозорларида учратиш мумкин.
Нукус шаҳар Марказий деҳқон бозорида 1 кг. мол гўшти 26 – 42 минг сўм.
Тошкент шаҳрининг Фарҳод, Миробод, Юнусобод, Қўйлиқ деҳқон бозорларида 1 кг. мол гўшти 30 минг сўмдан 42 минг сўмгача сотилмоқда. Энг арзони Қўйилиқ деҳқон бозорида учратиш мумкин – 28 минг сўм.
Қўй гўштини энг арзон нархларини Тошкент шаҳрининг Чорсу деҳқон бозорида учратиш мумкин – 26 минг сўм. Энг қиммати ҳам пойтахтда – 44 минг сўм (Қўйлиқ, Юнусобод деҳқон бозорлари).
![rice-2.jpg rice-2.jpg](http://uza.uz/upload/medialibrary/e11/rice_2.jpg)
Гуруч. Термиз шаҳар Марказий деҳқон бозорида 1 кг. гуручнинг баҳоси 3,5 – 11 минг сўмгача сотилмоқда.
Республиканинг деярли барча бозорларида гуручни 10 – 12 минг сўмгача учратиш мумкин. Энг қиммат нарх эса Қўйлиқ деҳқон бозори (Тошкент шаҳри)да – 13 минг сўм.
![3842354.jpg 3842354.jpg](http://uza.uz/upload/medialibrary/c58/3842354.jpg)
Ўсимлик ёғи. Урганч шаҳар Марказий деҳқон бозорида 1 кг. ўсимлик ёғи 11 – 12 минг сўм. Ушбу маҳсулотнинг энг арзонини Нукус шаҳар Марказий деҳқон бозорида учратиш мумкин – 8 – 10 минг сўм.
Ун. Қарши шаҳри “Ерқўрғон” деҳқон бозорида 1 кг. ун 2 минг 200 сўмдан 3 минг 500 сўмгача сотилмоқда. Энг қиммат нархлар пойтахт бозорларида 4 – 4,5 минг сўм.
![шакар.jpg шакар.jpg](http://uza.uz/upload/medialibrary/588/shakar.jpg)
Шакар. Самарқанд шаҳри “Сиёб” бозорида 1 кг. шакар 5 минг 500 сўм. Термиз шаҳар Марказий деҳқон бозори ҳамда Гулистон шаҳри Марказий деҳқон бозорида ушбу маҳсулот 5 минг 200 сўмдан сотилмоқда.
Умуман, республика бозорларидаги шакар нархини солиштирганда унчалик тафовут йўқ – 5 минг, 4 минг 500 сўм.
![170.jpg 170.jpg](http://uza.uz/upload/medialibrary/01a/170.jpg)
Тухум. Ўтган ҳафтада бозорларда тухум нархларининг ўсганини кузатиш мумкин. Энг арзон нархлар 300 сўм (Андижон, Қашқадарё, Наманган, Тошкент шаҳрининг Юнусобод деҳқон бозори). Энг қиммат нарх эса Фарҳод деҳқон бозори (Тошкент шаҳри)да – 750 сўм. Қўйлиқ деҳқон бозоридаги 200 сўмлик тухумларни учратмадик. Ушбу бозорда 1 дона тухум 400 – 600 сўмдан сотилмоқда.
ЎзА