Uzbekistan Airways авиакомпанияси раҳбарияти Нукус шаҳрида авиачипталарни сотиш бўйича маҳаллий тадбиркорлар, сайёҳлик операторлари ва агентлари билан учрашув ўтказди.
Тадбир бизнес ва хизматлар соҳасида ҳамкорлар билан алоқаларни яхшилаш, уларнинг ғоялари, истак ва таклифлари билан танишиш, уларни келгусида амалиётга тадбиқ этиш учун ўрганиш имконини берди.
Учрашувда шунингдек, Uzbekistan Airways авиакомпаниясининг йўловчилар ҳуқуқлари, эркинликлари ва қонуний манфаатларини ҳимоя қилиш борасидаги ишлари тўғрисида ахборот тақдим этилди.
Бундай учрашувлар республикамизнинг бошқа вилоятларида ҳам ўтказилиши режалаштирилган. Бу тадбиркорлар ва сайёҳлик агентликлари ходимлари ўртасида қулай шарт-шароитлар яратиш ва муаммоли масалалар бўйича ўзаро манфаатли ечим топиш имконини беради.
Роман БОНДАРЧУК тайёрлади, ЎзА