Халқаро шахмат федерациясининг «FIDE Circuit-2024» рейтингининг янгиланган рўйхати эълон қилинди.

Пойтахтимиз Тошкентда поёнига етган «UzChess Cup-2024» турниридан сўнг ушбу рейтингда уч нафар шахматчимизнинг номи қайд этилди. Улар орасида 19.28 очко жамғаришга муваффақ бўлган Нодирбек Абдусатторов «FIDE Circuit- 2024» рейтингининг етакчилари сафидан жой олди.

Шунингдек, Шамсиддин Воҳидов ва Нодирбек Ёқуббоевнинг ушбу рейтингда номи қайд этилди.

Айтиш лозим, 2024 йил якунига кўра, «FIDE Circuit-2024» рейтинги етакчиси навбатдаги «Даъвогарлар турнири»да қатнашиш ҳуқуқини қўлга киритади.

Т. Рўзиев, ЎзА