Самарқанд Олимпия ва паралимпия спорт турларига тайёрлаш маркази оғир атлетикачилари Тожикистон пойтахти Душанбе шаҳрида ўтказилган халқаро мусобақада муваффақиятли иштирок этди.
Марказий Осиё мамлакатларининг 100 нафарга яқин ёш спортчилари ғолиблик учун кураш олиб борган халқаро турнирда юртимиз оғир атлетикачилари Душанбе баҳсларида кичик таркиб билан қатнашган бўлса-да, медаллар жамғаришда сермаҳсулликка эришди.
Умидли спортчиларимиздан Диёрбек Одилов ва Достон Бекпўлатов олтин, Далержон Зубайдуллаев ва Фирдавс Пўлатов кумуш медалларга эгалик қилди.
Т.Рўзиев,
ЎзА