“Duvenbeck” компанияси Европанинг жами саккиз давлати бўлмиш Германия, Австрия, Венгрия, Испания, Руминия, Словакия, Полша, Чехияда ўзининг 36 та марказига эга бўлиб, транспорт ва логистика хизматларининг кенг тармоғини тақдим этиб келаяпти.

Рақамли технологиялар вазири Шерзод Шерматов Германиянинг “Duvenbeck”  компанияси бош менежери Нилс Гердеманн билан учрашув ўтказди.

Учрашувда дастлаб вазир  IT аутсорсинг хизматларини кўрсатишда немис компаниялари билан ҳамкорликда ишлашдан мамнунлигини билдирди.  Шунингдек, вазир IT Park имкониятлари, унда хорижий компаниялар учун яратилган имкониятлар ҳамда солиқ имтиёзлари ҳақида ҳам қўшимча ахборотлар бериб ўтди.

Ўз навбатида, немис тили кўникмаларини ошириш бўйича махсус тренинглар ташкил этиш таклифлари берилди.

Н.Раҳмонова,  

ЎзА