Уч йирик глобал сут компанияси “Nestle” билан боғлиқ тозаликка оид муаммо сабаб чақалоқлар учун мўлжалланган озуқа маҳсулотларини қайтариб олиш ва ишлаб чиқаришни қисман чеклашга шошилмоқда.

Хабарларга кўра, чоршанба куни тегишли рўйхатга Франциянинг “Danone” ва “Lactalis” корхоналари ҳам киритилди. Эслатиб ўтамиз, ушбу давлатда чақалоқлар ўлими ва “Nestle” сути ўртасидаги эҳтимолий боғлиқлик бўйича тергов олиб борилмоқда. Натижа тахминан 10 кун ичида эълон қилиниши кутиляпти.

Шанба куни Сингапур озиқ-овқат бошқармаси Таиланддан кириб келган “Danone Dumex Dulac-1” ва Швейцарияда ишлаб чиқарилган “NestleNAN HA1 Supreme Pro” таркибида церулид борлиги аниқлангач, эҳтиёт чораси сифатида маҳсулотларни қайтариш бўйича қарор қабул қилди.

“Lactalis” компанияси ҳам 18 мамлакатдан чақалоқ озуқалари чақириб олинишини айтди.

“Danone” акцияси тахминан 8,3 фоиз арзонлашди. Бу 2025 йил февралдан буён қайд этилган энг паст кўрсаткич.

Г.Сатторова, ЎзА