Кеча Дания Гренландия устидан суверенитетни AҚШга ўтказиш бўйича ҳар қандай келишув ёки музокара рад этилишини эълон қилди. TV2 давлат телеканали хабарига кўра, Бош вазир Ларс Локке Расмуссен Копенгагенда ўтган ташқи сиёсат қўмитаси йиғилиши якуни бўйича маҳаллий оммавий ахборот воситаларига шу ҳақда интервью берган. Дания AҚШ Президенти Дональд Трампнинг Давосдаги Жаҳон иқтисодий форуми (WЕF)да Гренландияга қарши ҳарбий куч ишлатиш инкор этилган баёнотини олқишлади.

– Ҳарбий куч ишлатилмаслиги таъкидланиши ижобий ҳолат, – деди Расмуссен. – Барибир, бу масалани эътиборсиз қолдириб бўлмайди.

Трампнинг Давосдаги чиқиши Гренландияни қўлга киритиш истаги ҳамон ўзгармаганини кўрсатди.

Aввалроқ Америка етакчиси Вашингтон Гренландияни қўлга киритиш бўйича музокара бошлаши кераклигини айтган. WЕF йиғилишидаги маърузасида эса у стратегик аҳамиятга эга Aрктика ҳудудини ҳимоя қилиш ва ривожлантиришга фақат Қўшма Штатлар қодирлигига урғу берган. Шу билан бирга Трамп Даниянинг мухтор ҳудудини қўлга киритиш учун куч ишлатмаслигини ҳам қўшимча қилган.

–Кўпчилик куч ишлатилади – деб ўйлаган, аммо бу шарт эмас, – деди Трамп.

Г.Сатторова, ЎзА