Яқинда Ўзбекистон делегацияси АҚШ Нью-Йорк кино академияси (NYFA) раҳбари Майкл Янг, стратегия бўйича директор ва Лос-Анжелесдаги кампус декани Ден Маклер, шунингдек, академик масалалар бўйича директор Сон Кальдерон билан учрашув ўтказди.

Музокаралар чоғида томонлар академик фаолият тўғрисида ахборот алмашиб, кино таълими соҳасида ҳамкорлик йўналишларини муҳокама қилди.

Учрашув якунида делегациямиз вакиллари “NYFA” ўқув маскани билан яқиндан танишиб, моддий-техник базаларини кўздан кечирди.

Шубҳасиз, бу ташриф кинематография соҳасида икки томонлама ҳамкорликни кенгайтириш учун янги истиқболлар очади.

А.Алимова тайёрлади, 

ЎзА