Бугун, 11 август — ўзбек футболи тарихидаги энг аламли кун. 1979 йилнинг айнан шу куни «Пахтакор» жамоаси аъзолари Днепродзержинск осмонида авиаҳалокатга учраган эди.

Ўша куни Тошкент–Гурев–Донецк–Минск йўналишида парвоз қилаётган ТУ-134 самолёти Челябинск–Кишинёв рейсини амалга ошираётган шу русумдаги бошқа бир лайнер билан 8400 метр баландликда тўқнашди.

Тўқнашув натижасида икки самолётдаги 178 киши ҳалок бўлди. Улар орасида «Пахтакор»нинг 17 футболчиси ҳам бор эди.