Қорақалпоғистон Республикаси Вазирлар Кенгаши раиси Ф. Эрманов Хитойнинг “China Energy Conservation and Environment Protection Group” (CECEP) делегацияси аъзоларини қабул қилди.

Учрашув давомида икки томонлама ҳамкорликнинг устувор йўналишлари юзасидан фикр алмашилди.

Жумладан, қуёш ва шамол энергиясини ишлаб чиқариш, муқобил энергия манбаларидан самарали фойдаланиш, аҳолини ичимлик суви билан таъминлаш, оқова сувларни тозалаш, чиқиндиларни утилизация қилиш, шунингдек, энергия тежамкор LED ёритиш тизимларини жорий этиш каби соҳаларда ҳамкорлик қилиш имкониятлари муҳокама қилинди.

Учрашувда Вазирлар Кенгаши раиси  Президентимиз раҳбарлигида инвесторлар учун яратилаётган кенг имкониятлар ҳақида алоҳида сўзлаб берди. Ўз навбатида делегация аъзолари Оролбўйи ҳудудида яратилаётган қулай инвестиция муҳитини юқори баҳолаб, келгусида амалий ҳамкорликни йўлга қўйишдан манфаатдор эканликларини билдиришди.

Довуд Абибуллаев, ЎзА мухбири