Савдо маълумотига кўра, сармоядорлар Халқаро энергетика агентлиги (IEA) ҳисоботини кутаётган бир пайт сешанба куни эрталаб жаҳон бозорида нефть нархи кетма-кет уч кун давомида кўтарилди.

Бугун эрталаб “Brent” маркали қора олтиннинг июнь ойи учун фьючерс нархи 0,34 фоиз ошиб, баррель учун 65,1 долларга чиқди. “WTI” тоифаси учун эса 0,39 фоиз кўтарилиб, 61,77 долларга етган. Охирги икки кун ичида “Brent” 2,45 фоиз, “WTI” 2,56 фоиз қимматлашган.

Нефть экспорт қилувчи давлатлар ташкилоти – OPEK апрель ойи учун эълон қилган ҳисоботда хом ашёни қазиб олиш март ойида февралга нисбатан кунига 37 000 қисқариб, 41,02 миллион баррелни ташкил қилгани айтилди. Шу билан бирга битимда иштирок этувчи давлатлар ихтиёрий равишда қисқартириш ва ортиқча ишлаб чиқаришни қоплаш режасини инобатга олган ҳолда, келишилганидек, кунига 102 000 баррель кўпроқ маҳсулот қазиб олишди.
“Макроиқтисодий муҳит ҳозир барқарорлашган, нефть секин-аста тикланиш йўлига тушмоқда” дея таъкидлаган “Dadi Futures” таҳлилчиси Хуан Ваньчжэ “Блумберг” агентлиги мухбирига берган интервьюсида.

С.Раҳимов, ЎзА