Пенсильваниялик Милдред Симонерилуто вьетнамлик фахрийларни қўллаб-қувватловчи ташкилотга камзулини ҳадя қилиб, энди афсусланмоқда. Гап шундаки, ўша кийим чўнтагида унинг 2,5 миллион долларлик ютуқли лотереяси бор эди.

“WТАЕ” маҳаллий телеканали хабар беришича, Милдред ўтган йилни йўқолган лотерея чиптаси учун қайғу чекиб ўтказган.

Ҳокимият ва лотерея идораси раҳбарияти 76 ёшли аёлга чипта бўлмаса, ютуқ тўлашнинг иложи йўқлигини айтган. Омадсиз омадлининг ўзи эса энди иложсизликдан ёзғириб, нотаниш шахс камзулни қайтаришидан умидвор.