Вашингтон ва Пекин АҚШ Президенти Дональд Трамп ва Хитой раҳбари Си Цзиньпин ўртасида июнь ойида океан ортида кечиши кутилаётган учрашув муҳокама қилина бошланди. Бу ҳақда “Wall Street Journal” нашри ёзган.

Таъкидланишича, масала муҳокамасининг ўзиёқ томонлар савдо ва геосиёсий кескинлик асносида алоқалардан ўзаро манфаатдорлигини кўрсатмоқда.

Трамп ва Си Цзиньпин республикачилар ғалабасидан сўнг ўз вакиллари орқали саммит ўтказишга қизиқиш билдирган эди.

Учрашувга тайёргарлик Вашингтоннинг Пекинга савдо босими шароитида кечмоқда.

Трамп маъмурияти март ойида ХХРдан кириб келаётган товарларга қўшимча 10 фоизлик бож киритди. Натижада Чин маҳсулотларига импорт божи 2023 йилдаги 14,5 фоиздан 35 фоизгача ўсди.

Осиё томони ҳам қараб тургани йўқ, албатта – қўлланган чорага акс тариф билан жавоб берди.

Пекин келгусида Америка санкцияси, жумладан инвестиция ва технология экспорти жараёни кескинлашиб кетмаслиги учун музокара олиб боришдан манфаатдор.

С.Раҳимов, ЎзА