“Numbeo” портали томонидан 2025 йил учун ресторан нархлари индекси бўйича тузилган рейтингда Ўзбекистон дунёдаги 139 мамлакат орасида 17-ўринни эгаллади. Бу ҳақда портал томонидан эълон қилинган рейтингда келтирилган.

Ушбу кўрсаткич Нью-Йорк нархлари билан солиштирилади ва у ерда индекс 100 деб қабул қилинган. Ўзбекистондаги ресторан ва барлардаги овқат ва ичимликлар нархлари Нью-Йоркдагидан ўртача 79,2 фоиз арзон ва индекс 20,8 га тенг.

Энг паст нарх Ливия, Мадагаскар ва Афғонистонда қайд этилган. Энг юқори кўрсаткичлар эса Швейцария, Исландия ва Багама оролларида кузатилган.

МДҲ давлатлари орасида энг арзон ресторан хизматлари Ўзбекистонда экани аниқланган.

Мадинабону Насриева, ЎзА